Blogg: Lífstílsbreyting hin hundraðasta

Nú verður þetta aðeins persónulegra

Þeir sem þekkja mig vita að ég hef aldrei verið neinn íþróttaálfur, sem er furðulegt í sjálfur sér þar sem pabbi minn er körfuboltahetja mikil og var ég nánast alin upp í Íþróttahöllinni á Akureyri. En brást mér alltaf boltalistin og þótt mér framan af hreyfing tilgangslaus og leiðinleg.

Kvöldverður með góðum vinum

Við Ísak elskum að bjóða fólki í mat, ekki að það komi neinum á óvart. Núna á föstudaginn buðum við vinafólki okkar Ottó og Jenný í nautasteikur og kokteila. Við tókum okkur góðan tíma í að elda öll saman, drekka góða drykki og spjalla.

Mér finnst jafn gaman að fá fólk í fínan mat og heimilismat. Það er svo gaman að taka sér tíma, elda saman og nostra við matinn, setjast svo öll niður og njóta.

Við leyfum okkur stundum að fara á fína veitingastaði (sem virkar rosalega vel þegar kærastinn manns er kokkur og allskonar fríðindi fylgja því) en stundum finnst okkur skemmtilegra að elda alvöru steikur og fínan mat heima og bjóða vinum í mat!

 

Brunch í góðra vina hópi

Við Ísak erum svo heppin að vera umkringd góðu fólki. Verandi par matreiðslumeistara og ástríðukokks, finnst okkur fátt eins skemmtilegt og að bjóða fólki í mat. Það fer langur undirbúningur í hvert einasta matarboð, nokkrar ferðir í Bónus og Krónuna í leit að réttu hráefnunum og íbúðin er tekin í gegn í hvert skipti.

Í einum vinahópnum okkar skiptumst við á að bjóða fólki heim í brunch. Þetta höfum við reynt að gera einu sinni í mánuði og skipst á að halda brunchinn. Í þetta skiptið var okkur Ísak falið að vera gestgjafar. Þar sem við höfðum fengið smá leið á hinum hefðbundna egg&beikon brunch ákváðum við að baka bjórbrauð og gera beikonsultu!

#siljaeldar verður að bloggi!

Jæja góðir hálsar, þá hefur hið óumflýjanlega loks átt sér stað – ég er byrjuð með matarblogg!

Nú, þau ykkar sem þekkja mig hafa sjálfsagt tekið eftir því að líf mitt snýst um mat. Ég er alltaf að hugsa um mat. Instagrammið mitt er líka stútfullt af matarmyndum enda elska ég ekkert meira en að elda góðan mat, raða honum fallega á diskinn og taka fallega mynd. Það er miklu leiðinlegra að borða ljótan mat!

Svo þegar #siljaeldar (og öll myllumerkin þar á milli) fóru að ná athygli fólks og fyrirspurnir um matseld mína fylltu skilaboðaskjóðuna mína á Facebook, hugsaði ég – hey, kannski ég ætti bara að blogga!